Warasta Uss Se Hain Keh Mohabbat Hi Kyun Na Ho
Kaijye hamare sath adawat hi kyun na ho
Chhora na mujh mein zeaf ne rang ikhtilaat ka
Hai dil peh bar naqash mohabbat hi kyun na ho
Hai mujh ko tujh se tazakrah ghair ka gila
Har chand se sabeel shikayat hi kyun na ho
Paida hoi hai kehte hain har dard ki dawa
Youn ho to charah gham ulfat hi kyun na ho
Dala na be kisi ne kisi se maamla
Apne se khainchta hoon khajalat hi kyun na ho
Hai aadmi bajaye khud ik mahshar khayal
Hum anjuman samjhte hain khalwat hi kyun na ho
Hungama zabooni himmat hai infaal
Hasil na kaijye dahar se ibrat hi kyun na ho
Warastagi bahana beygangi nahi
Apne se kar na ghair se wehshat hi kyun na ho
Mitta hai fot fursat hasti ka gham koi
Umar aziz sirf ibadat hi kyun na ho
Iss fitna khu ke dar se ab uthtay nahi asad
Iss mein hamare sar peh qayamat hi kyun na ho
Warasta uss se hain keh mohabbat hi kyun na ho
Kaijye hamare sath adawat hi kyun na ho
غزل
وا راستہ اس سے ہیں کہ محبت ہی کیوں نہ ہو
کیجئے ہمارے ساتھ عداوت ہی کیوں نہ ہو
چھوڑا نہ مجھ میں ضعف نے رنگ اختلاط کا
ہے دل پہ بار نقش محبت ہی کیوں نہ ہو
ہے مجھ کو تجھ سے تذکرہ غیر کا گلا
ہر چند سے سبیل شکایت ہی کیوں نہ ہو
پیدا ہوئی ہے کہتے ہیں ہر درد کی دوا
یوں ہو تو چارہ غم الفت ہی کیوں نہ ہو
ڈالا نہ بیکسی نے کسی سے معاملہ
اپنے سے کھینچتا ہوں خجالت ہی کیوں نہ ہو
ہے آدمی بجائے خود اک محشر خیال
ہم انجمن سمجھتے ہیں خلوت ہی کیوں نہ ہو
ہنگامہ زبونی ہمت ہے انفعال
حاصل نہ کیجئے دہر سے عبرت ہی کیوں نہ ہو
وارستگی بہانہ بیگانگی نہیں
اپنے سے کر نہ غیر سے وحشت ہی کیوں نہ ہو
مٹتا ہے فوت فرصت ہستی کا غم کوئی
عمر عزیز صرف عبادت ہی کیوں نہ ہو
اِس فتنہ خو کے در سے اب اُٹھتے نہیں اسد
اس میں ہمارے سر پہ قیامت ہی کیوں نہ ہو
وا راستہ اس سے ہیں کہ محبت ہی کیوں نہ ہو
کیجئے ہمارے ساتھ عداوت ہی کیوں نہ ہو
