Aankh Mein Aansoo Hain Ehsas Mussarat Dil Mein Hai
Aik firdous nizarah aap ki mehfil mein hai
Har jafa tere munasib har sitam tera durust
Ab wohi meri tamanna hai jo tere dil mein hai
Jab bajaz mehboob ho jati hai ujhal kainaat
Ik maqam aisa bhi jazab shoq ki manzil mein hai
Fasal gul mein hai tahasha hansane walon hoshiyar
Iztiraab dil ka pehlo bhi sukoon dil mein hai
Jis ko douri se huzoori mein siwa ho iztiraab
Woh preshan mohabbat kis qadar muskil mein hai
Dohr ke hungama sheikh-o-barhaman se buland
Aur bhi hungama ik gardaab nooh dil mein hai
Ab koi shayan jawle hai nah shayan kalam
Tou usi manzil mein behtar hai keh jis manzil mein hai
Na sazaa hai us ke jalwoon ki nizakat ke liye
Woh gham hasil jo tere ishq ke hasil mein hai
Apne markaz se sitaron par jo karta hoon nazar
Jis ko jis manzil mein chorra tha usi manzil mein hai
Mom kar deti hai jo folaad aahn ka jigar
Woh bhi ik jhankaar aawaz shikast dil mein hai
Kon hai ehsan meri zindagi ka raaz dar
Kya kahon kis tarha merne ki tamanna dil mein hai
Aankh mein aansoo hain ehsas mussarat dil mein hai
Aik firdous nizarah aap ki mehfil mein hai
غزل
آ نکھ میں آ نسو ہیں احساس مسرت دل میں ہے
ایک فردوس نظارہ آپ کی محفل میں ہے
ہر جفا تیرے مناسب ہر ستم تیرا درست
اب وہی میری تمنا ہے جو تیرے دل میں ہے
جب بجز محبوب ہو جاتی ہے اوجھل کائنات
اک مقام ایسا بھی جذب شوق کی منزل میں ہے
فصل گل میں ہے تحاشا ہنسنے والو ہوشیار
اضطراب دل کا پہلو بھی سکون دل میں ہے
جس کو دوری سے حضوری میں سوا ہو اضطراب
وہ پریشان محبت کس قدر مشکل میں ہے
دہر کے ہنگامہ شیخ و برہمن سے بلند
اور بھی ہنگامہ اک گرداب نوح دل میں ہے
اب کوئی شایان جلوے ہے نہ شایان کلام
تو اسی منزل میں بہتر ہے کہ جس منزل میں ہے
ناسزا ہے اس کے جلووں کی نزاکت کےلئے
وہ غم حاصل جو تیرے عشق کے حاصل میں ہے
اپنے مرکز سے ستاروں پر جو کرتا ہوں نظر
جس کو جس منزل میں چھوڑا تھا اسی منزل میں ہے
موم کر دیتی ہے جو فولاد آہن کا جگر
وہ بھی اک جھنکار آواز شکست دل میں ہے
کون ہے احسان میری زندگی کا راز دار
کیا کہوں کس طرح مرنے کی تمنا دل میں ہے
آنکھ میں آنسو ہیں احساس مسرت دل میں ہے
ایک فردوس نظارہ آپ کی محفل میں ہے
Read more click here
