Naye Mosam Ki Basharat Nahi Milne Wali
Tum parindo ko sakonat nahi milne wali
Ap ruswa sir e bazar tu kar sakte hain
Es tarah ap ko izat nahi milne wali
Yeh jo besakiyon peh khud ko bara kehte hain
In ko qamat ki qayamat nahi milne wali
Gar barabar ke taluq peh yaqeen hai tu milo
Chahay jaane ki saholat nahi milne wali
Munh uthaye howay jata hai kahan shehri ghazaal
Dasht mil jaye ga wehshat nahi milne wali
Us ka dukh hai jise chahiye wohi mil jata hai
Na muradi ki saholat nahi milne wali
Phir bhi hote nahi mayous mere shehar ke log
Jante hain keh riayat nahi milne wali
Naye mosam ki basharat nahi milne wali
Tum parindo ko sakonat nahi milne wali
غزل
نئے موسم کی بشارت نہیں ملنے والی
تم پرندوں کو سکونت نہیں ملنے والی
آپ رسوا سرِ بازار تو کر سکتے ہیں
اسطرح آپ کو عزت نہیں ملنے والی
یہ جو بیساخیوں پہ خود کو بڑا کہتے ہیں
ان کو قامت کی قیامت نہیں ملنے والی
گر برابر کے تعلق پہ یقیں ہے تو ملو
چاہے جانے کی سہولت نہیں ملنے والی
منہ اُٹھائے ہوئے جاتا ہے کہاں شہری غزال
دشت مل جائے گا وحشت نہیں ملنے والی
اس کا دکھ ہے جسے چاہئیں وہی مل جاتا ہے
نا مرادی کی سہولت نہیں ملنے والی
پھر بھی ہوتے نہیں مایوس میرے شہر کے لوگ
جانتے ہیں کہ رعایت نہیں ملنے والی
