Koi Din Gar Zindagani Aur Hai
Apne ji mein hum nay tahani aur hai
Aatish dozakh mein yeh garmi kahan
Soz-e-gham haye nihaani aur hai
Baarha dekhi hain un ki ranjishen
Par kuch ab ki sargirani aur hai
Day ke khat mouh dekhta hai nama bar
Kuch toh paighaam-e-zabani aur hai
Qatay aammar hain aksar najoom
Woh balaye aasmani aur hai
Ho chuken ghalib bulayen sab tamam
Aik marg nagehani aur hai
Koi din gar zindagani aur hai
Apne ji mein hum nay tahani aur hai
غزل
کوئی دن گر زندگانی اور ہے
اپنے جی میں ہم نے ٹھانی اور ہے
آتش دوزخ میں یہ گرمی کہاں
سوزِ غم ہائے نہانی اور ہے
بارہا دیکھی ہیں اُن کی رنجیشیں
پر کچھ اب کی سرگرانی اور ہے
دے کے خط منہ دیکھتا ہے نامہ بر
کچھ تو پیغامِ زبانی اور ہے
قاطعِ اعمار ہیں اکثر نجوم
وہ بَلائے آسمانی اور ہے
ہو چُکیں غالب بَلائیں سب تمام
ایک مرگ ناگہانی اور ہے
کوئی دن گر زندگانی اور ہے
اپنے جی میں ہم نے ٹھانی اور ہے
