Kho Dene Ka, Dil Bharne Ka, Thak Jane Ka, Khof
Ek tere hone se chakha kaisa kaisa khof
Hum dono ke samne behta waqt ka aaina tha
Mujh ko es ne khawab dekhaye tujhe dekhaya khof
Tum thay liken do hisson mein howay thay tum
Aankh khuli to bistar ki har saloot mein tha khof
Es rastay per mujh se pehle koi nahi aaya
Aik anokhi sar shari hai ek anjaan khof
Isi liye mein sambhal sambhal kar qadam uthati hoon
Itni bulandi se rehta hai gir jane ka khof
In logon ko kia lagta hai dar jaon gi mein
Yeh khud mujh se dary howay hain in kaisa khof
Waqt ki aandhi lay uarti hai kaise kaise log
Soch ke dil ko khoof aata hai acha khasa khof
Ab khidki per lagi hoi har aankh se jhankta hai
Es barish mein aakhri pata jhar jane ka khof
Kho dene ka, dil bharne ka, thak jane ka, khof
Ek tere hone se chakha kaisa kaisa khof
غزل
کھو دینے کا، دل بھرنے کا، تھک جانے کا، خوف
ایک تیرے ہونے سے چکھا کیسا کیسا خوف
ہم دونوں کے سامنے بہتا وقت کا آئینہ تھا
مجھ کو اس نے خواب دکھائے تجھے دکھایا خوف
تم تھے لیکن دو حصوں میں بٹے ہوئے تھے تم
آنکھ کھلی تو بستر کی ہر سلوٹ میں تھا خوف
اس رستے پر مجھ سے پہلے کوئی نہیں آیا
ایک انوکھی سرشاری ہے اک انجانا خوف
اسی لیے میں سنبھل سنبھل کر قدم اٹھاتی ہوں
اتنی بلندی سے رہتا ہے گر جانے کا خوف
ان لوگوں کو کیا لگتا ہے ڈر جاؤں گی میں
یہ خود مجھ سے ڈرے ہوئے ہیں ان سے کیسا خوف
وقت کی آندھی لے اڑتی ہے کیسے کیسے لوگ
سوچ کے دل کو خوف آتا ہے اچھا خاصا خوف
اب کھڑکی پر لگی ہوئی ہر آنکھ سے جھانکتا ہے
اس بارش میں آخری پتہ جھڑ جانے کا خوف
