Kahin Behgo Na De Wehshat Mein, Us Nazar Se Bacho
Wo abar phirta hai kab se bagir barsay, bacho
Us aadmi se bacho jo darakht kaatta ho
Jahaan parinday na aatay hoon aise ghar se bacho
Suni baron se yeh baat aur sekhi doston se
Karo kisi peh jab ehsan, us ke shar se bacho
Magar mein chalta raha aagahi ke rastay per
Sadayen aayen hazaron, idher udhar se, bacho
Mein tum ko shehar mein rehne ka gur sekhata hoon
Kisi kisi se milo aur baishtar se bacho
Mujhe janu ke asar se nikalne walon
Bahut qareeb na aao, mere asar se bacho
Siyah shab mein hawa ahmareen hilaal talu
Yeh ikhtamam e safar hai, bas ab safar se bacho
Kahin behgo na de wehshat mein, us nazar se bacho
Wo abar phirta hai kab se bagir barsay, bacho
غزل
کہیں بھگو نہ دے وحشت میں، اُس نظر سے بچو
وہ ابر پھرتا ہے کب سے بغیر برسے، بچو
اُس آدمی سے بچو جو درخت کاٹتا ہو
جہاں پرندے نہ آتے ہوں، ایسے گھر سے بچو
سُنی بڑوں سے یہ بات اور سیکھی دوستوں سے
کرو کسی پہ جب احسان، اُس کے شر سے بچو
مگر میں چلتا رہا آگہی کے راستے پر
صدائیں آئیں ہزاروں، اِدھر اُدھر سے، “بچو
میں تم کو شہر میں رہنے کا گر سکھاتا ہوں
کسی کسی سے ملو اور بیشتر سے بچو
مجھے جنوں کے اثر سے نکالنے والو
بہت قریب نہ آؤ، میرے اثر سے بچو
سیاہ شب میں ہوا احمریں ہلال طلوع
یہ اختتامِ صفر ہے، بس اب سفر سے بچو
