Hum Ne Pora Zoor Laga Kar Raqs Kiya
Sharam gai to samne aa kar raqs kiya

Duniya maston ko be ilm samjhti thi
Hum ne phir quran suna kar raqs kiya

Jis ne hum ko rokna chaha nachne se
Es ki aankh se aankh mila kar raqs kiya

Chhor diya machli ko wapis darya mein
Aur phir apna hijar mana kar raqs kiya

Apni mitti gundhi apne ashkon se
Apne chaak ko aap ghuma kar raqs kiya

Tum ne sirf badan se es ko poja hai
Hum ne rooh ko sath mila kar raqs kiya

Gori tujh ko khawahish de kar hum roye
Sanwali tujh ko khwab dekha kar raqs kia

Wahim ko apne samne la kar raqs kiya
Isam peh ek tasveer saja kar raqs kiya

Aik maqam peh noor bhi jalne lagta hai
Aur wahaan per khaak ne ja kar raqs kiya

Bulleh shah ne dhool bajaya aur hum ne
Baho ki nagri mein ja kar raqs kiya

Holi kheli peer najam o deen ke sath
Aur khusro ko sath nacha kar raqs kiya

Yaar manane ki khatir sab nachay hain
Hum ne apna yaar mana kar raqs kiya

Hum ne pora zoor laga kar raqs kiya
Sharam gai to samne aa kar raqs kiya