Hum Apne Amaal Peh Apne Andar Doob Ke Mar Jatay Hain
Jaise soraj roz ufq mein ja kar doob ke mar jatay hain

Es kothi mein rehne walay jane aisa kia karte hain
Koi pochay to es ghar ke nokar doob ke mar jatay hain

Meri teraki ke aagay darya bhi pani bharta hai
Aisa dawa karne walay aksar doob ke mar jatay hain

Sahil ka ehsan utha kar hum jaiso ne jina hai to
Aise zinda rehne se to behtar doob ke mar jatay hain

Sailabon mein ghass aur patay majoon per mojeen kartay hain
Jab keh saray bhari bhari patthar doob ke mar jatay hain

Hum ALLAH walo ke agay darya bhi rasta banta hai
Tere jaise firauno ke lashkar doob ke mar jatay hain

Teri aankhon ke nashay ki may khanay mein baat chalay to
Bottal ka sar jhok jata hai, saghir doob ke mar jatay hain

Allah chahay jis ko, es ko tinka paar laga deta hai
Warna kashti washti, langar o nangar doob ke mar jatay hain

غزل
ہم اپنے اعمال پہ اپنے اندر ڈوب کے مر جاتے ہیں
جیسے سورج روز افق میں جا کر ڈوب کے مر جاتے ہیں

اس کوٹھی میں رہنے والے جانے ایسا کیا کرتے ہیں
کوئی پوچھے تو اس گھر کے نوکر ڈوب کے مر جاتے ہیں

میری تیراکی کے آگے دریا بھی پانی بھرتا ہے
ایسا دعویٰ کرنے والے اکثر ڈوب کے مر جاتے ہیں

ساحل کا احسان اٹھا کر ہم جیسوں نے جینا ہے تو
ایسے زندہ رہنے سے تو بہترڈوب کے مر جاتے ہیں

سیلابوں میں گھاس اور پتے موجوں پر موجیں کرتے ہیں
جبکہ سارے بھاری بھاری پتھر ڈوب کے مر جاتے ہیں

ہم اللہ والوں کے آگے دریا بھی رستہ بنتا ہے
تیرے جیسے فرعونوں کے لشکر ڈوب کے مر جاتے ہیں

تیری آنکھوں کے نشے کی مے خانے میں بات چلے تو
بوتل کا سر جھک جاتا ہے، ساغر ڈوب کے مر جاتے ہیں

اللہ چاہے جس کو، اس کو تنکا پار لگا دیتا ہے
ورنہ کشتی وشتی، لنگر ونگر ڈوب کے مر جاتے ہیں

Share this with your friends