Ek Hi Muzhda Subah Lati Hai
Dhoop aangan mein phail jati hai
Rang mausam hai aur baad saba
Shahr kochon mein khaak urati hai
Farsh par kaghaz urtay phirtay hain
Maiz par gird jamti jati hai
Sochta hoon keh uss ki yaad akhir
Ab kisay raat bhar jagati hai
Mein bhi azzan nawa giri chahon
Be dili bhi to lab hilati hai
So gaye pair jaag uthi khushbu
Zindagi khawab kyun dikhati hai
Iss saraapaa wafa ki furkat mein
Khwahish ghair kyu satati hai
Aap apne se hum sukhan rehna
Hum nashen saans phool jati hai
Kia sitam hai keh ab teri soorat
Ghour karne peh yaad aati hai
Kon is ghar ki dekhbhal kare
Roz ik cheez toot jati hai
Aik hi musda subah lati hai
Dhoop aangan mein phail jati hai
غزل
ایک ہی مژدہ صبح لاتی ہے
دھوپ آنگن میں پھیل جاتی ہے
رنگ موسم ہے اور باد صبا
شہر کوچوں میں خاک اڑاتی ہے
فرش پر کاغذ اڑتے پھرتے ہیں
میز پر گرد جمتی جاتی ہے
سوچتا ہوں کہ اُس کی یاد آخر
اب کسے رات بھر جگاتی ہے
میں بھی اذن نوا گری چاہوں
بے دلی بھی تو لب ہلاتی ہے
سو گئے پیڑ جاگ اُٹھی خوشبو
زندگی خواب کیوں دکھاتی ہے
اِس سراپا وفا کی فرقت میں
خواہش غیر کیوں ستاتی ہے
آپ اپنے سے ہم سخن رہنا
ہم نشیں سانس پھول جاتی ہے
کیا ستم ہے کہ اب تری صورت
غور کرنے پہ یاد آتی ہے
کون اِس گھر کی دیکھ بھال کرے
روز اک چیز ٹوٹ جاتی ہے
ایک ہی مژدہ صبح لاتی ہے
دھوپ آنگن میں پھیل جاتی ہے
