Eid Phaki Lag Rahi Hai Ishq Ki Taseer Bhej
Aa galay mil ya libas e eid mein tasveer bhej
Dekh kar veraan galiyan khoof ata hai mujhe
Aye khuda ! koi gada gar ya koi raah geer bhej
Meri aankhon ko na day adhi adhuri bakhshishen
Khawab wapis chheen le ya khawab ki tabeer bhej
Jaan labon pe aa gai hai aansuon ke qahat se
Aankh bhoki mar rahi hai, gham ke shehad o shreen bhej
Eid ka tohfa yeh kehh kar us se wapis kar diya
Mere parion ke liye payal nahi, zanjeer bhej
Teri lekhi qaid se bahir niklna hai mujhe
Katib e taqdeer ! aisa kar koi tadbeer bhej
Dusray misray ke gehray raaz ko faris na khool
Es ghazal ko chupke chupke se wadi e kashmir bhej
Eid phaki lag rahi hai ishq ki taseer bhej
Aa galay mil ya libas e eid mein tasveer bhej
غزل
عید پھیکی لگ رہی ہے عشق کی تاثیر بھیج
آ گلے مل یا لباسِ عید میں تصویر بھیج
دیکھ کر ویران گلیاں خوف آتا ہے مجھے
اے خدا ! کوئی گدا گر یا کوئی رہ گیر بھیج
میری آنکھوں کو نہ دے آدھی ادھوری بخشِیشیں
خواب واپس چھین لے یا خواب کی تعبیر بھیج
جان لبوں پر آگئی ہے آنسوؤں کے قحط سے
آنکھ بھوکی مر رہی ہے، غم کے شہد و شِیر بھیج
عید کا تحفہ یہ کہہ کر اُس نے واپس کر دیا
میرے پیروں کے لیے پائل نہیں، زنجیر بھیج
تیری لکھی قید سے باہر نکلنا ہے مجھے
کاتبِ تقدیر! ایسا کر کوئی تدبیر بھیج
دوسرے مصرے کے گہرے راز کو فارس نہ کھول
اس غزل کو چپکے چپکے سے وادئِ کشمیر بھیج
عید پھیکی لگ رہی ہے عشق کی تاثیر بھیج
آ گلے مل یا لباسِ عید میں تصویر بھیج
