Dilon Ko Jorti Hai Silsila Banati Hai
Har imtihaan mein dua rasta banati hai
Yeh sail e sarkish o safaq ka hadaf, mere ghar
Koi din aur keh khaliq e khuda banati hai
Yeh zindagi jo abhi dhoop hai, abhi saya
Har aan aik niya daira banati hai
Hazar baar yeh dekha gaya keh hijr ki raat
Bujhaye chiragh ki lo khud hawa banti hai
Sada sakoot ki manzil mein bhi bashirt e khaloos
Zamana kaisa bhi ho, hum nawa banati hai
Dilon ko jorti hai silsila banati hai
Har imtihaan mein dua rasta banati hai
غزل
دلوں کو جوڑتی ہے سلسلہ بناتی ہے
ہر امتحاں میں دعا راستہ بناتی ہے
یہ سیلِ سرکش و سفاک کا ہدف، میرے گھر
کوئی دن اور کہ خلقِ خدا بناتی ہے
یہ زندگی جو ابھی دھوپ ہے، ابھی سایہ
ہر آن ایک نیا دائرہ بناتی ہے
ہزار بار یہ دیکھا گیا کہ ہجر کی رات
بجھے چراغ کی لو خود ہوا بناتی ہے
صدا، سکوت کی منزل میں بھی بشرطِ خلوص
زمانہ کیسا بھی ہو، ہم نوا بناتی ہے
