Dard Minnat Kash-E-Dawa Nah Howa
Mein nah acha howa, bura nah howa
Jamaa karte ho kyun raqeebon ko
Ik tamasha howa gila nah howa
Hum kahan qismat aazmanay jayen
Tou hi jab khanjar aazma nah howa
Kitne shireen hain tere lab keh raqeeb
Gaaliyan kha ke be maza nah howa
Hai khabar garam unn ke aanay ki
Aaj hi ghar mein boriya nah howa
Kia woh nimrood ki khudai thi
Bandagi mein mera bhala nah howa
Jaan di, di hoi usi ki thi
Haq to yun hai keh haq ada nah howa
Zakham gar dab gaya lahoo nah thama
Kaam gar ruk gaya rawa na howa
Rehzani hai keh dilstani hai
Ley ke dil dilstan ro nah howa
Kuch to parhye keh log ketay hain
Aaj ghalib ghazal sara nah howa
Dard minnat kash-e-dawa nah howa
Mein nah acha howa, bura nah howa
غزل
درد منت کشِ دوا نہ ہوا
میں نہ اچھا ہوا، بُرا نہ ہوا
جمع کرتے ہو کیوں رقیبوں کو
اک تماشا ہوا گلا نہ ہوا
ہم کہاں قسمت آزمانے جائیں
تو ہی جب خنجر آزما نہ ہوا
کتنے شیریں ہیں تیرے لب کہ رقیب
گالیاں کھاکے بے مزہ نہ ہوا
ہے خبر گرم اُن کے آنے کی
آج ہی گھر میں بوریا نہ ہوا
کیا وہ نمرود کی خدائی تھی
بندگی میں میرا بھلا نہ ہوا
جان دی، دی ہوئی اُسی کی تھی
حق تو یوں ہے کہ حق ادا نہ ہوا
زخم گر دب گیا لہو نہ تھما
کام گر رُک گیا روا نہ ہوا
رہزنی ہے کہ دل ستانی ہے
لے کے دل دل ستاں روانہ ہوا
کچھ تو پڑھئیے کہ ، لوگ کہتے ہیں
آج غالب غزل سرا نہ ہوا
درد منت کشِ دوا نہ ہوا
میں نہ اچھا ہوا، بُرا نہ ہوا
