Aise To Koi Tark E Sakonat Nahi Karta
Hijrat wohi karta hai jo baiat nahi karta
Yeh log mujhe kis liye dozakh se darayen
Mein ashqi karta hoon ibadat nahi karta
Hum silsila daron ke ho, kyun jaan ke darpaye
Kafir usay kaheye jo mohabbat nahi karta
Lagta hai yahaan mout nahi aani kisi ko
Es shehar mein ab koi wasiat nahi karta
Yeh mujh ko batatay hain ghazalan tarah daar
Acha wohi rehta hai jo wehshat nahi karta
Tabish ka qayamat se yaqeen uth na gaya ho
Kuch din se wo zikar o qad o qamat nahi karta
Aise to koi tark e sakonat nahi karta
Hijrat wohi karta hai jo baiat nahi karta
غزل
ایسے تو کوئی ترک سکونت نہیں کرتا
ہجرت وہی کرتا ہے جو بیعت نہیں کرتا
یہ لوگ مجھے کس لیے دوزخ سے ڈرائیں
میں عاشقی کرتا ہوں عبادت نہیں کرتا
ہم سلسلہ داروں کے ہو کیوں جان کے درپئے
کافر اسے کہیے جو محبت نہیں کرتا
لگتا ہے یہاں موت نہیں آنی کسی کو
اس شہر میں اب کوئی وصیت نہیں کرتا
یہ مجھ کو بتاتے ہیں غزالان طرح دار
اچھا وہی رہتا ہے جو وحشت نہیں کرتا
تابشؔ کا قیامت سے یقیں اٹھ نہ گیا ہو
کچھ دن سے وہ ذکر قد و قامت نہیں کرتا
