شاعر:قتیل شفائی
غزل
گرمیٔ حسرت ناکام سے جل جاتے ہیں
ہم چراغوں کی طرح شام سے جل جاتے ہیں
 
شمع جس آگ میں جلتی ہے نمائش کے لیے
ہم اسی آگ میں گمنام سے جل جاتے ہیں
 
بچ نکلتے ہیں اگر آتش سیال سے ہم
شعلۂ عارض گلفام سے جل جاتے ہیں
 
خود نمائی تو نہیں شیوۂ ارباب وفا
جن کو جلنا ہو وہ آرام سے جل جاتے ہیں
 
ربط باہم پہ ہمیں کیا نہ کہیں گے دشمن
آشنا جب ترے پیغام سے جل جاتے ہیں
 
جب بھی آتا ہے مرا نام ترے نام کے ساتھ
جانے کیوں لوگ مرے نام سے جل جاتے ہیں
Ghazal
Garmi-E-Hasrat-E-Nakaam Se Jal Jate Hain
hum charaghon ki tarah sham se jal jate hain
 
shama jis aag mein jalti hai numaish ke liye
hum usi aag mein gumnam se jal jate hain
 
bach nikalte hain agar aatish-e-sayyal se hum
shola-e-ariz-e-gulfam se jal jate hain
 
KHud-numai to nahin shewa-e-arbab-e-wafa
jin ko jalna ho wo aaram se jal jate hain
 
rabt-e-baham pe hamein kya na kahenge dushman
aashna jab tere paigham se jal jate hain
 
jab bhi aata hai mera nam tere nam ke sath
jaane kyun log mere nam se jal jate hain
Share this with your friends