Fasad-E-Khalq Khuda Kam Karanay Aaya Tha
Wohi mara hai jo ranjish mitanay aaya tha

Ik aur ishq ki tajweez le ke aa gaye ho
Abhi abhi to mera dil thikanay aaya tha

Hawa ka sar phira jhonka tha tergi ka mureed
Jo bas chiragh ki lo ko bujhane aaye tha

Yeh tere dirham-o-dinar meri thokar par
Tou mere zarf ki qeemat laganay aaye tha

Woh phoot phoot ke roya meri aziyat par
Mujhe jo sabar ki aayat sunanay aaya tha

Mein kaise maan nah rakhti tere bharosay ka
Tou kis yaqeen se yeh dil dukhane aaya tha

Fasad-e-khalq khuda kam karanay aaya tha
Wohi mara hai jo ranjish mitanay aaya tha

غزل

فسادِ خلق خدا کم کرانے آیا تھا
وہی مرا ہے جو رنجش مٹانے آیا تھا

اک اور عشق کی تجویز لے کے آگئے ہو
ابھی ابھی تو مرا دل ٹھکانے آیا تھا

ہوا کا سر پھرا جھونکا تھا تیرگی کا مرید
جو بس چراغ کی لو کو بجھانے آیا تھا

یہ تیرے درہم و دینار ، میری ٹھوکر پر
تو میرے ظرف کی قیمت لگانے آیا تھا

وہ پھوٹ پھوٹ کے رویا مری اذیت پر
مجھے جو صبر کی آیت سنانے آیا تھا

میں کیسے مان نہ رکھتی ترے بھروسے کا
تو کس یقین سے یہ دل دُکھانے آیا تھا

فسادِ خلق خدا کم کرانے آیا تھا
وہی مرا ہے جو رنجش مٹانے آیا تھا