Farz karo

:Farz karo

Farz Karo Hum Taare Hote
Aik Doojey Ko Door Door Sey Daikh Daikh Kar Jaltey Bujhtey
Aur Phir Aik Din
Shaakh-E-Falak Sey Girtey Aur Tareek Khalaaon Mein Kho Jatey

Daria Ke Do Dhaaray Hotey
Apni Apni Moj Mein Bahtey

Aur Samander Tak Us Andhi , Wehshi Aur Munh Zor Musaafat
Ke Jadoo Mein Tanhaa Rehtey

Farz Karo Hum Tare Bhoor Samay Ke Panchi Hotey

Urtey Urtay Aik Doojey Ko Chotey Aur Phir
Khuley Gagan Ki Gehri Aur Be Sarfa Ankho Mein Kho Jatey

Abr-E-Bahaar Ke Jhonkey Hotey

Mosam Ke Aik Be Naqsha Say Khuwaab Mein Miltey
Miltey Aur Juda Ho Jatey

Khushk Zameeno Ke Haatho Par Sabz Lakeerein Kanda Kartey
Aur Un Dekhey Sapney Botey

Apney Apney Aansoo Ro Kar Chain Sey Sotey
Farz Karo Hum Jo Kuch Hein Wo Na Hotay?