Es Qayamat Ko Guzarne Nahi Detay Kuch Log
Zakham e taqseem ko bharne nahi detay kuch log
Chahaty hain chal jaon bhanwar ki janib
Mujh ko sahil peh utrne nahi detay kuch log
Aur uncha kiye detay hain fasilay shab ko
Naye soraj ko ubharne nahi detay kuch log
Mere paidon ki jaron ko nahi milta pani
Meri shakhon ko nikhrne nahi detay kuch log
Meri tareekh ke safhaat jala detay hain
Mera kirdar ubhrne nahi detay kuch log
Khatam hone nahi detay mere soraj ka girhan
Meri kirno ko bikhrne nahi detay kuch log
Ariyan ragri thi es nehr ki khatir mein ne
Aaj pani mujhe bharne nahi detay kuch log
غزل
اس قیامت کو گزرنے نہیں دیتے کچھ لوگ
زخمِ تقسیم کو بھرنے نہیں دیتے کچھ لوگ
چاہتے ہیں چلا جاؤں بھنور کی جانب
مجھ کو ساحل پہ اترنے نہیں دیتے کچھ لوگ
اور اُنچا کئے دیتے ہیں فصیلے شب کو
نئے سورج کو اُبھرنے نہیں دیتے کچھ لوگ
میرے پیڑوں کی جڑوں کو نہیں ملتا پانی
میری شاخوں کو نکھرنے نہیں دیتے کچھ لوگ
میری تاریخ کے صفحات جلا دیتے ہیں
میرا کردار اُبھرنے نہیں دیتے کچھ لوگ
ختم ہونے نہیں دیتے میرے سورج کا گرہن
میری کرنوں کو بکھرنے نہیں دیتے کچھ لوگ
ایڑیاں رگڑی تھی اس نہر کی خاطر میں نے
آج پانی مجھے بھرنے نہیں دیتے کچھ لوگ
