شاعر:تہذیب حافی

اک تیرا ہجر دائمی ہے مجھے

ورنہ ہر چیز عارضی ہے مجھے

ایک سایہ مرے تعاقب میں

ایک آواز ڈھونڈتی ہے مجھے

میری آنکھوں پہ دو مقدس ہاتھ

یہ اندھیرا بھی روشنی ہے مجھے

میں سخن میں ہوں اس جگہ کہ جہاں

سانس لینا بھی شاعری ہے مجھے

ان پرندوں سے بولنا سیکھا

پیڑ سے خامشی ملی ہے مجھے

میں اسے کب کا بھول بھال چکا

زندگی ہے کہ رو رہی ہے مجھے

میں کہ کاغذ کی ایک کشتی ہوں

پہلی بارش ہی آخری ہے مجھے

Ek  tera  hijar  daimi  hai  mujhe

warna  har  chiz  aarzi  hai  mujhe

ek saya mere taaqub mein

ek aawaz dhundti hai mujhe

meri aankhon pe do muqaddas hath

ye andhera bhi raushni hai mujhe

main sukhan mein hun us jagah ki jahan

sans lena bhi shairi hai mujhe

in parindon se bolna sikha

ped se khamushi mili hai mujhe

main use kab ka bhul-bhaal chuka

zindagi hai ki ro rahi hai mujhe

main ki kaghaz ki ek kashti hun

pahli barish hi aakhiri hai mujhe