Be Hasi Se Dard Ke Ehsas Tak Le Aayen Gay

Be Hasi Se Dard Ke Ehsas Tak Le Aayen Gay
Hum gham-e-doraan ke jab qirtaas tak le aayen gay

Bhook ke shiddat badal sakti hai fitrat ke usool
Pait ke dukh sher ko bhi ghaas tak le aaye gay

Kis ko yeh maloom tha be chehrgi ke khauf se
Dairay apna badan kampass tak le aayen gay

Dar rahi hoon jin ke hone se abhi zardaar hoon
Chor dengay aik din aflaas tak le aayen gay

Zehr se neelay badan par jayen gay jab aap yun
Khush dili ko nafraton ki bas tak le aayen gay

Honton peh papri jami tu janti hoon yar log
Khainch ke darya ko meri pyaas tak le aayen gay

Be hasi se dard ke ehsas tak le aayen gay
Hum gham-e-doraan ke jab qirtaas tak le aayen gay