Bas Hukam Suna Hijar Ki Tameel Nahi Ki
Hum ne to wafadari bhi tabdeel nahi ki

Inkaar ke pani mein bara zor hai sahib
Is bar dabo de gi mujhe jheel nahi ki

Ik chout ke qissay peh hansay log to mein ne
Phir paish kisi zakhm ki tafseel nahi ki

Naaqis thi bahot uski mohabbat bhi magar dil
Ik matlabi afsar tha dukaan seal nahi ki

Aye ishq mere zarf peh mat ungli uthana
Chup chaap saha hai teri tazleel nahi ki

Saad shukar keh gham biphra nahi feel ki soorat
Yadon ne bhi yalghar-e-ababeel nahi ki

Bas hukam suna hijar ki tameel nahi ki
Hum ne to wafadari bhi tabdeel nahi ki
غزل
بس حکم سنا ہجر کی تعمیل نہیں کی
ہم نے تو وفاداری بھی تبدیل نہیں کی

انکار کے پانی میں بڑا زور ہے صاحب
اِس بار ڈبو دے گی مجھے جھیل نہیں کی

اک چوٹ کے قصے پہ ہنسے لوگ تو میں نے
پھر پیش کسی زخم کی تفصیل نہیں کی

ناقص تھی بہت اُسکی محبت بھی مگر دل
اک مطلبی افسر تھا دکاں سِیل نہیں کی

اے عشق مرے ظرف پہ مت انگلی اُٹھانا
چپ چاپ سہا ہے تری تذلیل نہیں کی

صد شکر کہ غم بپھرا نہیں فِیل کی صورت
یادوں نے بھی یلغارِ ابابیل نہیں کی

بس حکم سنا ہجر کی تعمیل نہیں کی
ہم نے تو وفاداری بھی تبدیل نہیں کی