Bara Ehsan Hum Farma Rahe Hain
Keh un ke khat unhein lota rahe hain
Nahi tark e mohabbat par woh razi
Qayamat hai keh hum samjha rahe hain
Yaqeen hai keh hum samha rahe hain
Bohat taizi se wapas aa rahe hain
Yah mat bholo keh yeh lamhaat hum ko
Bichadne ke liye milwa rahe hain
Taajjub hai keh ishq-o-aashiqi se
Abhi kuch log dhoka kha rahe hain
Tumhein chahen gay jab chhun jaogi tum
Abhi hum tum ko arzaan pa rahe hain
Kisi soorat unhein nafrat ho hum se
Hum apne aaib khud ganwa rahe hain
Woh pagal mast hai apni wafa mein
Meri aankhon mein aasnoo aa rahe hain
Dalilon se usay qail kia tha
Dalileen day ke ab pachta rahe hain
Teri bahon se hijrat karne walay
Naye mahool mein ghabra rahe hain
Yeh jazba ishq hai ya jazba rahm
Tere aanso mujhe rolwa rahe hain
Ajab kuch rabt hai tum se keh tum ko
Hum apna jan kar thukra rahe hain
Wafa ki yaad garen tak nah hoon gi
Meri jaan bas koi din ja rahe hain
Bara ehsan hum farma rahe hain
Keh un ke khat unhein lota rahe hain
غزل
بڑا احسان ہم فرما رہے ہیں
کہ اُن کے خط اُنہیں لوٹا رہے ہیں
نہیں ترکِ محبت پر وہ راضی
قیامت ہے کہ ہم سمجھا رہے ہیں
یقیں ہے کہ ہم سمھا رہے ہیں
بہت تیزی سے واپس آرہے ہیں
یہ مت بھولو کہ یہ لمحات ہم کو
بچھڑنے کے لیے ملوا رہے ہیں
تعجب ہے کہ عشق و عاشقی سے
ابھی کچھ لوگ دھوکا کھا رہے ہیں
تمہیں چاہیں گے جب چھن جاؤگی تم
ابھی ہم تم کو ارزاں پا رہے ہیں
کسی صورت اُنہیں نفرت ہو ہم سے
ہم اپنے عیب خود گنوا رہے ہیں
وہ پاگل مست ہے اپنی وفا میں
مری آنکھوں میں آنسو آرہے ہیں
دلیلوں سے اُسے قائل کیا تھا
دلیلیں دے کے اب پچھتا رہے ہیں
تری بانہوں سے ہجرت کرنے والے
نئے ماحول میں گھبرا رہے ہیں
یہ جذبہ عشق ہے یا جذبہ رحم
ترے آنسو مجھے رلوا رہے ہیں
عجب کچھ ربط ہے تم سے کہ تم کو
ہم اپنا جان کر ٹھکرا رہے ہیں
وفا کی یاد گاریں تک نہ ہوں گی
مری جاں بس کوئی دن جا رہے ہیں
