Badan Ke Bojh Ko Khud Par Uthaye Phirtay Hain
Zameen peh log nahi sirf saaya phirtay hain
Har aik shakhs ko kehna para keh khush hain bohat
Ujar ke hurmat-e-dil ko bachaye phirtay hain
Ganwa na den kahin aujlat parastiyon mein tujhe
Yeh soch kar tujhe khud se lagaye phirtay hain
Yun iztiraab mein din aur raat ghumtay hain
Keh jaise gardish-e-gham ke sataye phirtay hain
Abhi talak to hum asba dho rahe thay faqt
Zara si mil gai fursat saraye phirtay hain
Ho apne baap ki jageer yeh mohabbat bhi
Buray Dino mein usay yun bachaye phirtay hain
Bichay gi un ke bhi dil mein kabhi saf matam
Khushi khushi hamein ab jo ganwaye phirtay hain
Huzoor kis liye kachay hain aap kanon ke
Har aik shakhs ki baton mein aaye phirtay hain
Ajeeb zeam basarat ke mare log hain yeh
Chiragh hath mein hain aur bujhaye phirtay hain
Badan ke bojh ko khud par uthaye phirtay hain
Zameen peh log nahi sirf saaya phirtay hain
غزل
بدن کے بوجھ کو خود پر اٹھائے پھرتے ہیں
زمیں پہ لوگ نہیں صرف سائے پھرتے ہیں
ہر ایک شخص کو کہنا پڑا کہ خوش ہیں بہت
اجڑ کے حرمتِ دل کو بچائے پھرتے ہیں
گنوانہ دیں کہیں عجلت پرستیوں میں تجھے
یہ سوچ کر تجھے خود سے لگائے پھرتے ہیں
یوں اضطراب میں دن اور رات گھومتے ہیں
کہ جیسے گردشِ غم کے ستائے پھرتے ہیں
ابھی تلک تو ہم اسبا ڈھو رہے تھے فقط
ذرا سی مل گئی فرصت سرائے پھرتے ہیں
ہو اپنے باپ کی جاگیر یہ محبت بھی
برے دنوں میں اُسے یوں بچائے پھرتے ہیں
بچھے گی ان کے بھی دل میں کبھی صف ماتم
خوشی خوشی ہمیں اب جو گنوائے پھرتے ہیں
حضور کس لیے کچے ہیں آپ کانوں کے
ہر ایک شخص کی باتوں میں آئے پھرتے ہیں
عجیب زعم بصارت کے مارے لوگ ہیں یہ
چراغ ہاتھ میں ہیں اور بجھائے پھرتے ہیں
بدن کے بوجھ کو خود پر اٹھائے پھرتے ہیں
زمیں پہ لوگ نہیں صرف سائے پھرتے ہیں
