Ay Dil-E-Girya Giran Chal Bhi Nahi Reh Sakta
Jo tera aaj nahi kal bhi nahi reh sakta

Umar bhar dore se bandhay hoye mat rakhna mujhe
Pair par koi sada phal bhi nahi reh sakta

Patharon mein bhi hararat ki ramaq dourti hai
Ishq chholay to koi shal bhi nahi reh sakta

Is ne chhoora hai agar mujh ko shikayat kaisi
Taat ke saath to makhmal bhi nahi reh sakta

Mein bhi ik roz hari rat mein nikhar jaon gi
Rang chahre ka sada dal bhi nahi reh sakta

Tang hoti hoi saanson ne bataya tha mujhe
Habs-e-be ja mein koi pal bhi nahi reh sakta

Ay dil-e-girya giran chal bhi nahi reh sakta
Jo tera aaj nahi kal bhi nahi reh sakta
غزل
اے دلِ گریہ گراں چل بھی نہیں رہ سکتا
جو ترا آج نہیں کل بھی نہیں رہ سکتا

عمر بھر ڈور سے باندھے ہوئے مت رکھنا مجھے
پیڑ پر کوئی سدا پھل بھی نہیں رہ سکتا

پتھروں میں بھی حرارت کی رمق دوڑتی ہے
عشق چھولے تو کوئی شل بھی نہیں رہ سکتا

اِس نے چھوڑا ہے اگر مجھ کو شکایت کیسی
ٹاٹ کے ساتھ تو مخمل بھی نہیں رہ سکتا

میں بھی اک روز ہری رت میں نکھر جاوں گی
رنگ چہرے کا سدا ڈل بھی نہیں رہ سکتا

تنگ ہوتی ہوئی سانسوں نے بتایا تھا مجھے
حبسِ بے جا میں کوئی پل بھی نہیں رہ سکتا

اے دلِ گریہ گراں چل بھی نہیں رہ سکتا
جو ترا آج نہیں کل بھی نہیں رہ سکتا