Apne Hone Ki Tab O Taab Se Bahar Na Hue

Apne Hone Ki Tab-O-Tab Se Bahar Na Hue

hum hain wo sip jo aazada-e-gauhar na hue 

harf-e-be-saut ki manind rahe duniya mein

dasht-e-imkan mein khule naqsh-e-musawwir na hue

phul ke rang sar-e-shakh-e-khizan bhi chamke

qaidi-e-rasm-e-chaman khak ke jauhar na hue 

thak ke girte bhi nahin ghar ko palatte bhi nahi

najm-e-aflak hue aas ke tair na hue 

us ki galiyon mein rahe gard-e-safar ki surat

sang-e-manzil na bane rah ka patthar na hue

apni nakaam umidon ke kham-o-pech mein gum

abr-e-kam-ab the hum rizq-e-samundar na hue

غزل

اپنے ہونے کی تب و تاب سے باہر نہ ہوئے

ہم ہیں وہ سیپ جو آزادۂ گوہر نہ ہوئے

حرف بے صوت کی مانند رہے دنیا میں
دشت امکاں میں کھلے نقش مصور نہ ہوئے

پھول کے رنگ سر شاخ خزاں بھی چمکے
قیدی رسم چمن خاک کے جوہر نہ ہوئے

تھک کے گرتے بھی نہیں گھر کو پلٹتے بھی نہیں
نجم افلاک ہوئے آس کے طائر نہ ہوئے

اس کی گلیوں میں رہے گرد سفر کی صورت
سنگ منزل نہ بنے راہ کا پتھر نہ ہوئے

اپنی ناکام امیدوں کے خم و پیچ میں گم
ابر کم آب تھے ہم رزق سمندر نہ ہوئے