Andaz Hu-Ba-Hu Teri Aawaz-E-Pa Ka Tha

mawraa 0 تبصرے
شاعر:احمد ندیم قاسمی
غزل
انداز ہو بہو تری آواز پا کا تھا
دیکھا نکل کے گھر سے تو جھونکا ہوا کا تھا
 
اس حسن اتفاق پہ لٹ کر بھی شاد ہوں
تیری رضا جو تھی وہ تقاضا وفا کا تھا
 
دل راکھ ہو چکا تو چمک اور بڑھ گئی
یہ تیری یاد تھی کہ عمل کیمیا کا تھا
 
اس رشتۂ لطیف کے اسرار کیا کھلیں
تو سامنے تھا اور تصور خدا کا تھا
 
چھپ چھپ کے روؤں اور سر انجمن ہنسوں
مجھ کو یہ مشورہ مرے درد آشنا کا تھا
 
اٹھا عجب تضاد سے انسان کا خمیر
عادی فنا کا تھا تو پجاری بقا کا تھا
 
ٹوٹا تو کتنے آئنہ خانوں پہ زد پڑی
اٹکا ہوا گلے میں جو پتھر صدا کا تھا
 
حیران ہوں کہ وار سے کیسے بچا ندیمؔ
وہ شخص تو غریب و غیور انتہا کا تھا
Ghazal
Andaz Hu-Ba-Hu Teri Aawaz-E-Pa Ka Tha
Dekha nikal ke ghar se to jhonka hawa ka tha
 
Is husn-e-ittifaq pe lut kar bhi shad hun
Teri raza jo thi wo taqaza wafa ka tha
 
Dil rakh ho chuka to chamak aur badh gai
Ye teri yaad thi ki amal kimiya ka tha
 
Is rishta-e-latif ke asrar kya khulen
Tu samne tha aur tasawwur khuda ka tha
 
Chhup chhup ke roun aur sar-e-anjuman hansun
Mujh ko ye mashwara mere dard-ashna ka tha
 
Uttha ajab tazad se insan ka khamir
Aadi fana ka tha to pujari baqa ka tha
 
Tuta to kitne aaina-khanon pe zad padi
Atka hua gale mein jo patthar sada ka tha
 
Hairan hun ki war se kaise bacha ‘nadim’
Wo shakhs to gharib o ghayur intiha ka tha
 
Load/Hide Comments

اپنا تبصرہ بھیجیں