Ajab Ghari Thi
Kitab kichar mein gir parri thi

Chamakte lafzon ki maili aankhon mein
Uljhay aanso bola rahe thay

Magar mujhe hoosh hi kahan tha
Nazar mein ek aur hi jahan tha

Naye naye manzaron ki khwahish mein
Apne manzar se kat gaya hoon
Naye naye dairon ki gardish mein

Apne mehwar se hatt gaya hoon
Silla jaza khauf na umeedi
Umed imkan hai yaqeeni
Hazar khaton mein bat gaya hoon

Ab es se pehle keh rat apni kamand dale
Yeh chahat hoon keh lout jaon

Ajab nahi wo kitab ab bhi wahin parri ho
Ajab nahi aaj bhi meri raah dekhti ho

Chamkte lafzon ki meli aankhon mein uljhe aanso
Ajab nahi mere lafz mujh ko maaf kardein

Hawa wo hars-o-hwas ki
Sab gird saaf karden
Ajab ghari thi
Kitab kicharr mein gir parri thi