Agarche Bazam Mein Bilkul Simat Ke Milta Hai
Magar woh tanha milay to lapat ke milta hai

Badan-o-wisal ka khawhan, dimagh zabt mein gum
Ajeeb shahks hai tukron mein bat ke milta hai

Yeh baaz gasht ka ehsan hai keh lout aai
Wagarna kon kisi se palat ke milta hai

Gham-e-jahan hai gham-e-yar se bahut pehle
Magar jo lutf yeh tarteeb ulat ke milta hai

Usay khabar hai keh ruswaiyan bhi hoon gi magar
Bara dalair hai woh shakhs dat ke milta hai

Agarche bazam mein bilkul simat ke milta hai
Magar woh tanha milay to lapat ke milta hai
غزل
اگر چہ بزم میں بالکل سمٹ کے ملتا ہے
مگر وہ تنہا ملے تو لپٹ کے ملتا ہے

بدن وصال کا خواہاں ، دماغ ضبط میں گم
عجیب شخص ہے ٹکڑوں میں بٹ کے ملتا ہے

یہ باز گشت کا احسان ہے کہ لوٹ آئی
وگرنہ کون کسی سے پلٹ کے ملتا ہے

غمِ جہاں ہے غمِ یار سے بہت پہلے
مگر جو لطف یہ ترتیب اُلٹ کے ملتا ہے

اُسے خبر ہے کہ رسوائیاں بھی ہوں گی مگر
بڑا دلیر ہے وہ شخص ، ڈٹ کے ملتا ہے

اگر چہ بزم میں بالکل سمٹ کے ملتا ہے
مگر وہ تنہا ملے تو لپٹ کے ملتا ہے