Jis Se Parti Ho Kisi Jubah E Tauqeer Peh Khaak
Aisi jageer peh aur shahib e jageer peh khaak
Chahay mein saatven dar mein bhi chupa kr rakhon
Jam hi jati hai meri jaan teri tasveer peh khaak
Mujh ko nisbat ke sharaf ne yeh kiya hai taleem
Khaak us per jo kahay halqa e zanjeer peh khaak
Mirza nosha se kaha hai keh mafi delyen
Mein khakam badhan kehta raha meer peh khaak
Es ki awaz peh mein dair se poncha tabish
Aisi takheer peh aur bahais e takheer peh khaak
غزل
جس سے پڑتی ہو کسی جبۂ توقیر پہ خاک
ایسی جاگیر پہ اور صاحبِ جاگیر پہ خاک
چاہے میں ساتویں در میں بھی چھپا کر رکھوں
جم ہی جاتی ہے میری جاں تری تصویر پہ خاک
مجھ کو نسبت کے شرف نے یہ کیا ہے تعلیم
خاک اس پر جو کہے حلقۂ زنجیر پہ خاک
مرزا نوشہ سے کہا ہے کہ معافی دلوائیں
میں خاکم بدہن کہتا رہا میر پہ خاک
اس کی آواز پہ میں دیر سے پہنچا تابشؔ
ایسی تاخیر پہ اور باعثِ تاخیر پہ خاک
