Raat Khamosh Hoi Aur Pukari Gai Subha
Sans leti hoi khirki mein sanwari gai subha
Aye sukhan saz badan tere liye shaam bani
Aye raza mand hansi tujhe peh utri gai subha
Aye siha zulf yeh jungle ka indhera teri kho
Aye chamakdar jabeen tujh se nikhari gai subha
Aisa lagta hai keh foot path peh khaili gai tash
Aisa lagta hai joye mein kahin haari gai subha
Khoof itna tha keh aankhon mein kahin neend na thi
Khwab aisa tha keh so so ke guzari gai subha
Raat mashriq ki taraf dheeron sittray tootay
Raat sunne mein yeh aaya tha keh mari gai subha
Raat khamosh hoi aur pukari gai subha
Sans leti hoi khirki mein sanwari gai subha
غزل
رات خاموش ہوئی اور پکاری گئی صبح
سانس لیتی ہوئی کھڑکی میں سنواری گئی صبح
اے سخن ساز بدن تیرے لیے شام بنی
اے رضا مند ہنسی تجھ پہ اتاری گئی صبح
اے سیہ زلف یہ جنگل کا اندھیرا تیری خو
اے چمکدار جبیں تجھ سے نکھاری گئی صبح
ایسا لگتا ہے کہ فٹ پاتھ پہ کھیلی گئی تاش
ایسا لگتا ہے جوے میں کہیں ہاری گئی صبح
خوف اتنا تھا کہ آنکھوں میں کہیں نیند نہ تھی
خواب ایسا تھا کہ سو سو کے گزاری گئی صبح
رات مشرق کی طرف ڈھیروں ستارے ٹوٹے
رات سننے میں یہ آیا تھا کہ ماری گئی صبح
