Kaam Ko Aadha Kar Letay Hain
Ishq zyada kar letay hain
Dard se jab bhar jaye dil to
Aur koshada kar letay hain
Pyar to hum bhi karte hain per
Wo kuch zyada kar letay hain
Mein aur dushman farz ka apne
Roz iada kar letay hain
Hijar ki lambi raaton ko hum
Kaat ke aadha kar letay hain
Shah girana hai so aagay
Aik piada kar letay hain
Gham se shadi kar ke socha
Aik se zyada kar letay hain
Ishq se toba karne walay
Phir ek aadha kar letay hain
Hum ne door to hona hi tha
Aaj irada kar letay hain
Tum tanha kia ishq karo gay
Aadha aadha kar letay hain
Ab koi wada nahi karna
Aaj yeh wada kar letay hain
Tum ko aaj ishq hai, mujh ko jaldi
Jo hai sada kar letay hain
Kaam ko aadha kar letay hain
Ishq zyada kar letay hain
غزل
کام کو آدھا کر لیتے ہیں
عشق زیادہ کر لیتے ہیں
درد سے جب بھر جائے دل تو
اور کشادہ کر لیتے ہیں
پیار تو ہم بھی کرتے ہیں پر
وہ کچھ زیادہ کر لیتے ہیں
میں اور دشمن فرض کا اپنے
روز اعادہ کر لیتے ہیں
ہجر کی لمبی راتوں کو ہم
کاٹ کے آدھا کر لیتے ہیں
شاہ گرانا ہے سو آگے
ایک پیادہ کر لیتے ہیں
غم سے شادی کر کے سوچا
ایک سے زیادہ کر لیتے ہیں
عشق سے توبہ کرنے والے
پھر اک آدھا کر لیتے ہیں
ہم نے دور تو ہونا ہی تھا
آج ارادہ کر لیتے ہیں
تم تنہا کیا عشق کرو گے؟
آدھا آدھا کر لیتے ہیں
اب کوئی وعدہ نہیں کرنا
آج یہ وعدہ کر لیتے ہیں
تم کو عشق ہے ، مجھ کو جلدی
جو ہے سادہ کر لیتے ہیں
کام کو آدھا کر لیتے ہیں
عشق زیادہ کر لیتے ہیں
