Minaron Per Jaise Jaise Shaam Bikharti Jati Hai
Manzar aur dil dono mein hirani bharti jati hai
Shehar ke barah darwazaye hain jane kahan se aaye wo
Shahzadi yeh soch kar har dar roshan karti jati hai
Masjid ke dalan se lay kar ghungroon ki jhanakar talak
Aik gali kai sadiyaon se chup chaap guzarti jati hai
Ravi to ab bhi zinda hai lekin es ke seene mein
Dharkan dharkan bahti aik riwayat marti jati hai
Zard fasleen, dhalata soraj dekh ke jo bhi sochti hoon
Qilay per to dheray dheray raat utarti jati hai
Minaron per jaise jaise shaam bikharti jati hai
Manzar aur dil dono mein hirani bharti jati hai
غزل
میناروں پر جیسے جیسے شام بکھرتی جاتی ہے
منظر اور دل دونوں میں ویرانی بھرتی جاتی ہے
شہر کے بارہ دروازے ہیں جانے کہاں سے آئے وہ
شہزادی یہ سوچ کے ہر در روشن کرتی جاتی ہے
مسجد کے دالان سے لے کر گھنگروؤں کی جھنکار تلک
ایک گلی کئی صدیوں سے چپ چاپ گزرتی جاتی ہے
راوی تو اب بھی زندہ ہے لیکن اس کے سینے میں
دھڑکن دھڑکن بہتی ایک روایت مرتی جاتی ہے
زرد فصیلیں، ڈھلتا سورج دیکھ کے جو بھی سوچتی ہوں
قلعے پر تو دھیرے دھیرے رات اترتی جاتی ہے
میناروں پر جیسے جیسے شام بکھرتی جاتی ہے
منظر اور دل دونوں میں ویرانی بھرتی جاتی ہے