Kis Se Izhaar Mada Kijiye
Aap miltay nahi hain kia kijiye
Ho nah paya yeh faisla ab tak
Aap kijiye to kia kia kijiye
Aap thay jis ke charah gar woh jawaa
Sakht bemaar hai dua kijiye
Aik hi fan to hum ne seekha hai
Jis se miliye usay khafa kijiye
Hai taqaza meri tabiyat ka
Har kisi ko chiragh pa kijiye
Hai to baray yeh alam asbaab
Be sabab cheekhay laga kijiye
Aaj hum kia gila Karen uss se
Gila tangi qaba kijiye
Nutq hewan par giran hai abhi
Guftagu kam se kam kiya kijiye
Hazrat zulf ghalia afshaa
Naam apna saba saba kijiye
Zindagi ka ajab maamla hai
Aik lamhe mein faisla kijiye
Mujh jo adat hai rooth Jane ki
Aap mujh ko mana lia kijiye
Miltay rahye usi tapaak ke sath
Be wafai ki inteha kijiye
Koh kun ko hai khudkashi khwahish
Shah banu se iltija kijiye
Mujh se kehti theen woh sharab aankhen
Aap woh zeher mat pia kijiye
Rang har rang mein daad talab
Khoon thookon ko wah wa kijiye
Kis se izhaar mada kijiye
Aap miltay nahi hain kia kijiye
غزل
کس سے اظہار مدعا کیجئے
آپ ملتے نہیں ہیں کیا کیجئے
ہو نہ پایا یہ فیصلہ اب تک
آپ کیجئے تو کیا کیا کیجئے
آپ تھے جس کے چارہ گر وہ جواں
سخت بیمار ہے دعا کیجئے
ایک ہی فن تو ہم نے سیکھا ہے
جس سے ملیے اُسے خفا کیجئے
ہے تقاضا مری طبیعت کا
ہر کسی کو چراغ پا کیجئے
ہے تو بارے یہ عالم اسباب
بے سبب چیخنے لگا کیجئے
آج ہم کیا گلہ کریں اُس سے
گلہ تنگی قبا کیجئے
نطق حیوان پر گراں ہے ابھی
گفتگو کم سے کم کیا کیجئے
حضرت زلف غالیہ افشاں
نام اپنا صبا صبا کیجئے
زندگی کا عجب معاملہ ہے
ایک لمحے میں فیصلہ کیجئے
مجھ کو عادت ہے روٹھ جانے کی
آپ مجھ کو منا لیا کیجئے
ملتے رہیے اُسی تپاک کے ساتھ
بے وفائی کی انتہا کیجئے
کوہ کن کو ہے خودکشی خواہش
شاہ بانو سے التجا کیجئے
مجھ سے کہتی تھیں وہ شراب آنکھیں
آپ وہ زہر مت پیا کیجئے
رنگ ہر رنگ میں داد طلب
خون تھوکوں تو واہ وا کیجئے
