Haalat E Haal Ke Sabab Haalat Haal Hi Gai
Shoq mein kuch nahi gaya shoq ki zindagi gai
Tera firaaq jaan jaan aish tha kia mere liye
Yani tere firaaq mein khoob sharab pi gai
Tere wisaal ke liye apne kamaal ke liye
Haalat dil thi keh kharab aur kharab ki gai
Uss ki umeed naaz ka hum se yeh maan tha keh aap
Umar guzaar dijiye umar guzar di gai
Aik hi haadsa to hai aur woh keh aaj tak
Baat nahi kahi gai baat nahi suni gai
Baad bhi tere jaan jaan dil mein raha ajab samaa
Yaad rahi teri yahan phir teri yaad bhi gai
Uss ke badan ko di namood hum ne sukhan mein aur phir
Uss ke badan ke wastay aik quba bhi si gai
Meena bah meena may bah may jaam bah jaam jam bah jam
Naaf pyalay ki tere yaad ajab sahi gai
Kehni hai mujh ko aik baat aap se yani aap se
Aap ke shahr wasal mein lazzat hijr bhi gai
Sehan khayal yaar mein ki nah basar shab firaaq
Jab se woh chandna gaya jab se woh chandni gai
Haalat e haal ke sabab haalat haal hi gai
Shoq mein kuch nahi gaya shoq ki zindagi gai
غزل
حالت حال کے سبب حالت حال ہی گئی
شوق میں کچھ نہیں گیا شوق کی زندگی گئی
تیرا فراق جان جاں عیش تھا کیا مرے لیے
یعنی ترے فراق میں خوب شراب پی گئی
تیرے وصال کے لیے اپنے کمال کے لیے
حالت دل کہ تھی خراب اور خراب کی گئی
اُس کی امید ناز کا ہم سے یہ مان تھا کہ آپ
عمر گزار دیجیے عمر گزار دی گئی
ایک ہی حادثہ تو ہے اور وہ کہ آج تک
بات نہیں کہی گئی بات نہیں سنی گئی
بعد بھی تیرے جان جاں دل میں رہا عجب سماں
یاد رہی تری یہاں پھر تری یاد بھی گئی
اُس کے بدن کو دی نمود ہم نے سخن میں اور پھر
اُس کے بدن کے واسطے ایک قبا بھی سی گئی
مینا بہ مینا مے بہ مے جام بہ جام جم بہ جم
ناف پیالے کی ترے یاد عجب سہی گئی
کہنی ہے مجھ کو ایک بات آپ سے یعنی آپ سے
آپ کے شہر وصل میں لذت ہجر بھی گئی
صحن خیال یار میں کی نہ بسر شب فراق
جب سے وہ چاندنا گیا جب سے وہ چاندنی گئی
حالت حال کے سبب حالت حال ہی گئی
شوق میں کچھ نہیں گیا شوق کی زندگی گئی
