Deewar Se Laga Hai Badan Aankh Chhat Ke Sath
Logon se kat rahi hoon bari mazrat ke sath
Woh shakhs sach ki taab nahi lasakay ga dost
Ik jhoot bonlna hai mujhe maslehat ke sath
Hain koocha-e-sukhan mein bohat kam shinas log
Chhoren gay hum yeh dasht bari tammkanat ke sath
Mein waqia zaroor hoon par moatabar nahi
Ik saneha jura hai meri har parat ke sath
Be faiz zindagi teri raftaar taiz hai
Kab tak chalay gi tou bhula mujh be sakt ke sath
Komal yeh kaar-e-ishq faqt faida nahi
Nuqsaan bhi uthane paray manfiat ke sath
Deewar se laga hai badan aankh chhat ke sath
Logon se kat rahi hoon bari mazrat ke sath
غزل
دیوار سے لگا ہے بدن آنکھ چھت کے ساتھ
لوگوں سے کٹ رہی ہوں بڑی معذرت کے ساتھ
وہ شخص سچ کی تاب نہیں لاسکے گا دوست
اک جھوٹ بولنا ہے مجھے مصلحت کے ساتھ
ہیں کوچہ ء سخن میں بہت کم شناس لوگ
چھوڑیں گے ہم یہ دشت بڑی تمکنت کے ساتھ
میں واقعہ ضرور ہوں پر معتبر نہیں
اک سانحہ جڑا ہے مری ہر پرت کے ساتھ
بے فیض زندگی تری رفتار تیز ہے
کب تک چلے گی تو بھلا مجھ بے سکت کے ساتھ
کومل یہ کارِ عشق فقط فائدہ نہیں
نقصان بھی اٹھانے پڑے منفعت کے ساتھ
دیوار سے لگا ہے بدن آنکھ چھت کے ساتھ
لوگوں سے کٹ رہی ہوں بڑی معذرت کے ساتھ
