Yeh Kya Rut Hai Ab Ki Rut Mein Dekhen Zard Gulab

Yeh Kya Rut Hai Ab Ki Rut Mein Dekhen Zard Gulab
Chehre sookhe phool khazan ke aankhen zard gulab

Phool se bache bhi khwabon ki eendhan bante jayen
Dekhen kaisi rut phoolon ki aurrhen zard gulab

Aik alamat hogayi apne khwabon ki tafseer
Sochen apne khwabon ko tu likhen zard gulab

Deewaron par apni nasal ka noha likhte jayen
Jis ki din bhi zehreele hain raatein zard gulab

Jhoot ke zehreele panjun mein jakare murda log
Baatein urrti khushbu jaisi sochen zard gulab

Ab aangan mein sannate ki dain nachay gay
Ab bachon ke badle ghar mein khailen zard gulab

Aane walay shayad apne dukh ko samjhenge
Danish yar kitabon mein hum rakhen zard gulab

Yeh kya rut hai ab ki rut mein dekhen zard gulab
Chehre sookhe phool khazan ke aankhen zard gulab