شاعرہ:پروین شاکر
ںظم
گئے برس کی عید کا دن کیا اچھا تھا
چاند کو دیکھ کے اس کا چہرہ دیکھا تھا

فضا میں کیٹسؔ کے لہجے کی نرماہٹ تھی
موسم اپنے رنگ میں فیضؔ کا مصرعہ تھا

دعا کے بے آواز الوہی لمحوں میں
وہ لمحہ بھی کتنا دل کش لمحہ تھا

ہاتھ اٹھا کر جب آنکھوں ہی آنکھوں میں
اس نے مجھ کو اپنے رب سے مانگا تھا

پھر میرے چہرے کو ہاتھوں میں لے کر
کتنے پیار سے میرا ماتھا چوما تھا!

ہوا! کچھ آج کی شب کا بھی احوال سنا
کیا وہ اپنی چھت پر آج اکیلا تھا؟

یا کوئی میرے جیسی ساتھ تھی اور اس نے
چاند کو دیکھ کے اس کا چہرہ دیکھا تھا؟
 
Nazam
Gay Baras Ki Eid Ka Din Kya Acha Tha
Chand ko dekh ke us ka chehra dekha tha

Faza mein ‘keats’ ke lahje ki narmahat thi
Mausam apne rang mein ‘faiz’ ka misra tha

Dua ke be-awaz uluhi lamhon mein
Wo lamha bhi kitna dilkash lamha tha

Hath uTha kar jab aaankhon hi aaankhon mein
Us ne mujh ko apne rab se manga tha

Phir mere chehre ko hathon mein le kar
Kitne pyar se mera matha chuma tha

Hawa! kuchh aaj ki shab ka bhi ahwal suna
Kya wo apni chhat par aaj akela tha

Ya koi mere jaisi sath thi aur us ne
Chand ko dekh ke us ka chehra dekha tha
Share this with your friends