Miley To Kaise Miley Manzil E Khazina Khowab

Miley To Kaise Miley Manzil E Khazina Khowab
Kahan damishq e muqaddar kahan madina khwab

Siyah khana e khof o hiras mein ek shakhs
Suna raha hai musalsal hadees e zina khwab

Yaqeen ka wird o wazifa na isam e azam e ishq
Tou phir yeh kaise khule ga tilism e seena-e-khwab

Jahan jahan ki bhi mitti hamein pasand ayi
Wahan wahan pe amant kia dafina e khwab

Kharoosh-e-girya be ikhtiyar aisa tha
Tarkh ke toot gaya raat aabgeena khwab

Shikast e khwab guzishta pe Noha Khawani hoi
Phir es k bad saji mehfill shabeena khwab

Miley tu kaise miley manzil e khazina khowab
Kahan damishq e muqaddar kahan madina khwab