شاعر:علامہ اقبال
غزل
یوں ہاتھ نہیں آتا وہ گوہر یک دانہ
یک رنگی و آزادی اے ہمت مردانہ

یا سنجر و طغرل کا آئین جہانگیری
یا مرد قلندر کے انداز ملوکانہ

یا حیرت فارابیؔ یا تاب و تب رومیؔ
یا فکر حکیمانہ یا جذب کلیمانہ

یا عقل کی روباہی یا عشق یداللہی
یا حیلۂ افرنگی یا حملۂ ترکانہ

یا شرع مسلمانی یا دیر کی دربانی
یا نعرۂ مستانہ کعبہ ہو کہ بت خانہ

میری میں فقیری میں شاہی میں غلامی میں
کچھ کام نہیں بنتا بے جرأت رندانہ
Ghazal
Yu Hath Nahi Ata Who Gohar Yakdana
Yak Rangi.o.Azadi Ay Himat Mardana

Ya Sanj.o.Tughral Ka Aain.e.Jahngiri
Ya Mard Qalandar Ky Andaz Mlukana

Ya Hairat Farabi Ya Tab.o..Tab Room
Ya Fikar Hakeemana Ya Jazb Qalemana

Ya Aqal Ki Rubahi Ya Ishq Yd Ilahi
Ya Hailah Afrangi Ya Hamla Turkana

Ya Sharah Musalmani Ya Der Ki Darbani
Ya Nahrah Mastan Qahbah Ho Ky But Khana

Meeri Mein Faqeeri Mein Shahi Mein Ghulami Mein
Kuch Kam Nahi Banta Be Jurat Rindana
Share this with your friends