Yeh Takleef Rahe Gi Khasta Halon Ko

Yeh Takleef Rahe Gi Khasta Halon Ko
Tou ne ja chamkaya hai jin kalon ko

Paon pakar kar log girana chahtay hain
Zehen chala kr agay barne walo ko

Ulti chaal ka asra lena parta hai
Seedhi samjh nahi ati saalon ko

Baithay baithay yun hi kisi ka zikar chala
Chaltay chaltay bhool gay sab chalon ko

Rabt zarori hota hai sharminda hoon
Anay walay zang laga hai taloon ko

Koi yun ja ke pochay hussan ki paryoun se
Kia milta hai rol ke bholay bhalon ko

Rakh walon ke khawab mein lashain bolain gi
Neend nahi karni hoti rakh walon ko

Yeh takleef rahe gi khasta halon ko
Tu ne ja chamkaya hai jin kalon ko