Yeh Gham Kia Dil Ki Aadat Hai ? Nahi To
Kisi se kuch shikayat hai ? nahi to
Kisi ke bin kisi ki yaad ke bin
Jiye Jane ki himmat hai? Nahi to
Hai woh ik khawab be tabeer uss ko
Bhula denay ki niyat hai ? nahi to
Kisi soorat bhi dil lagta nahi haan
To kuch din se yeh halat hai ? nahi to
Tere is haal par hai sab ko herat
Tujhe bhi is haal peh herat hai ? nahi to
Hum aahangi nahi duniya se teri
Tujhe is par nedamat hai ? nahi to
Howa jo kuch yeh hi maqsoom tha kia
Yeh sari hikayat hai ? nahi to
Aziyat naak umeedon se tujh ko
Amaan panay ki hasrat hai ? nahi to
Tou rehta hai khayal-o-khawab mein gum
To is ki waja fursat hai nahi to
Sabab jo is judai ka bana hai
Woh mujh se khobsorat hai ? nahi to
Yeh gham kia dil ki aadat hai ? nahi to
Kisi se kuch shikayat hai ? nahi to
غزل
یہ غم کیا دل کی عادت ہے؟ نہیں تو
کسی سے کچھ شکایت ہے ؟ نہیں تو
کسی کے بِن کسی کی یاد کے بِن
جیئے جانے کی ہمت ہے ؟ نہیں تو
ہے وہ اک خوابِ بے تعبیر اس کو
بھلا دینے کی نیت ہے ؟ نہیں تو
کسی صورت بھی دل لگتا نہیں ہاں
تو کچھ دن سے یہ حالت ہے ؟ نہیں تو
تیرے اِس حال پر ہے سب کو حیرت
تجھے بھی اِس پہ حیرت ہے ؟ نہیں تو
ہم آہنگی نہیں دنیا سے تیری
تجھے اِس پر ندامت ہے ؟ نہیں تو
ہوا جو کچھ یہ ہی مقسوم تھا کیا
یہ ہی ساری حکایت ہے ؟ نہیں تو
اذیت ناک امیدوں سے تجھ کو
اماں پانے کی حسرت ہے ؟ نہیں تو
تُو رہتا ہے خیال و خواب میں گم
تو اِس کی وجہ فرصت ہے نہیں تو
سبب جو اِس جدائی کا بنا ہے
وہ مجھ سے خوبصورت ہے ؟ نہیں تو
یہ غم کیا دل کی عادت ہے؟ نہیں تو
کسی سے کچھ شکایت ہے ؟ نہیں تو
