Wagarna Din Sabhi Wehshat Ke Mare Hote Hain

Wagarna Din Sabhi Wehshat Ke Mare Hote Hain
Guzara karne lago tu guzaray hote hain

Woh jism nochnay walon se barh ke zalim hain
Jinhon ne rooh mein khanjar utaray hote hain

Usi nazar mein hi kanta bane khataktay hain
Woh shakhs jis ki hum aankhon ke taray hote hain

Nahi mukarta dil apni kahi se warna dost
Jawaz chorne ke dhair saray hote hain

Hain jin mayen salamat Karen tilawat roz
Keh unkay chehre muqaddas siparay hote hain

Mein aisay azdahon ke bare mein bhi janti hoon
jinhon ne doston ke roop dharay hote hain

Tumhara zouq-e-maseehai aafreen aye shakhs
Magar woh log jihein zakhm pyare hote hain

Wagarna din sabhi wehshat ke maray hote hain
Guzara karne lago tu guzaray hote hain