Tujhe Nah Aayen Gi Muflis Ki Mushkilat Samjh

Tujhe Nah Aayen Gi Muflis Ki Mushkilat Samjh
Mein chhotay logon ke ghar ka bara hoon baat samjh

Mere ilawa hain chay log munhasir mujh par
Meri har aik museebat ko zarb saat samjh

Falak se kat ke zameen par giri patangen dekh
To hijr katnay walon ki nafsiyaat samjh

Shuru din se adheera gaya hai mere wajood
Jo dikh raha hai isay meri baqiyat samjh

Kitab ishq mein har aah aik aayat hai
Aur aansowon ko haroof muqttaat samjh

Karen yeh kaam tu kunbay ka waqt katta hai
Hamaray hathoon ko ghar ki ghari ke hath samjh

Dil o dimagh zaroori hain zindagi ke liye
Yeh hath paon izaafi sahuliyat samjh

Tujhe nah aayen gi muflis ki mushkilat samjh
Mein chhotay logon ke ghar ka bara hoon baat samjh