Tujh Peh Jo Bhi Sawaal Aaya Hai
Sab tera hi kiya karaya hai
Aay sitaray chiragh ko tou ne
Mere baray mein kia bataya hai
Khawab ne aaj apni khalwat mein
Kaasni rang ko bulaya hai
Iss mein mera koi qasoor nahi
Mujhe darya ne khud bachaya hai
Shehzada yun hi udaas nahi
Shehzadi ne kuch chupaya hai
Subah ke waqt teri yaad ka pal
Kaisi masomiyat se aaya hai
Aay bohat taiz husan dehaan rahe
Mujh pe ik sanwli ka sayaa hai
Apni tazeem kar keh mein ne tujhe
Apni aankhon ka gham sunaya hai
Haarne ke liye hi bheja tha
Aur dil haar kar hi aaya hai
Jis tarah tum mana rahe ho mujhe
Iss tarah koi maan paya hai
Sarkash ishq hoon ali zaryon
Apne charnon mein sar jhukaya hai
Tujh peh jo bhi zawaal aaya hai
Sab tera hi kiya karaya hai
غزل
تجھ پہ جو بھی زوال آیا ہے
سب ترا ہی کیا کرایا ہے
اے ستارے چراغ کو تُو نے
میرے بارے میں کیا بتایا ہے
خواب نے آج اپنی خلوت میں
کاسنی رنگ کو بلایا ہے
اِس میں میرا کوئی قصور نہیں
مجھے دریا نے خود بچایا ہے
شہزادہ یوں ہی اُداس نہیں
شہزادی نے کچھ چھپایا ہے
صبح کے وقت تیری یاد کا پل
کیسی معصومیت سے آیا ہے
اے بہت تیز حسن دھیان رہے
مجھ پے اک سانولی کا سایا ہے
اپنی تعظیم کر کہ میں نے تجھے
اپنی آنکھوں کا غم سنایا ہے
ہارنے کے لئے ہی بھیجا تھا
اور دل ہار کر ہی آیا ہے
جس طرح تم منا رہے ہو مجھے
اِس طرح کوئی مان پایا ہے
سرکش عشق ہوں علی زریون
اپنے چرنوں میں سر جھکایا ہے
تجھ پہ جو بھی زوال آیا ہے
سب ترا ہی کیا کرایا ہے