Thora Likha Aur Zyada Chhor Diya

Thora Likha Aur Zyada Chhor Diya
Aane walon ke liye rasta chhor diya

Larkiyan ishq mein kitni pagal hoti hain
Phone baja aur chulha jalta chhor diya

Bas kano par hath rakhe thay thori dair
Aur phir uss aawaz ne pichha chhor diya

Roz aik pataa mujh mein aakar girta hai
Jab se mein ne bagh mein jana chhor diya

Tum kiya jano iss darya par kiya guzri
Tum ne bas pani bharna chhor diya

Thora likha aur zyada chhor diya
Aane walon ke liye rasta chhor diya