Tamam Ahl-E-Siyasat Ke Daam Janta Hai
Faqeer tere mahal ka nizaam janta hai

Siwa-e-ishq mere dil se kuch umeed nah rakh
Yeh karigar tu yahi aik kaam janta hai

Mushairay mein jahan bhi parhado fikar nahi
Gulab bagh mein apna maqam janta hai

Tumhare husan ke charchay gadagaron mein bhi hain
Ghareeb tabqa bhi sonay ke daam janta hai

Jo shay halal hai Jannat mein aye mere mufti
Zameen peh tou usay kaise haram janta hai

Awaam to teri bandooq se hain khauf zada
Tou be waqoof isay ehtram janta hai

Mujhe khabar hai meri kis ghazal mein kis ke hain gaal
Yeh baghbaan sabhi phoolon ke naam janta hai

Mein uss ko apna takhallus bata to doon faris
Magar woh shakhs mera asal naam janta hai

Tamam ahl-e-siyasat ke daam janta hai
Faqeer tere mahal ka nizaam janta hai

تمام اہلِ سیاست کے دام جانتا ہے
فقیر تیرے محل کا نظام جانتا ہے

سواۓ عشق مرے دل سے کچھ اُمید نہ رکھ
یہ کاریگر تو یہی ایک کام جانتا ہے

مشاعرے میں جہاں بھی پڑھادو فکر نہیں
گلاب باغ میں اپنا مقام جانتا ہے

تمہارے حسن کے چرچے گداگروں میں بھی ہیں
غریب طبقہ بھی سونے کے دام جانتا ہے

جو شے حلال ہے جنت میں اے مرے مفتی
زمیں پہ تُو اُسے کیسے حرام جانتا ہے

عوام تو تری بندوق سے ہیں خوفزدہ
تُو بے وقوف اِسے احترام جانتا ہے

مجھے خبر ہے مری کس غزل میں کس کے ہیں گال
یہ باغبان سبھی پھولوں کے نام جانتا ہے

میں اُس کو اپنا تخلص بتا تو دوں فارس
مگر وہ شخص مرا اصل نام جانتا ہے

تمام اہلِ سیاست کے دام جانتا ہے
فقیر تیرے محل کا نظام جانتا ہے