Shakal-O-Soorat Se Nazar Aatay Thay Maghroor

Shakal-O-Soorat Se Nazar Aatay Thay Maghroor Chiragh
Hum shab-e-gham ke sataye hote bay noor chiragh

Mere aangan ko ujalay ki nahi hai aadat
Meri chokhat se jala ao kahin dour chiragh

Zakhm har sham hatheeli peh yun lo dete hain
Jaisay jaltay hain musalsal, shab-e-ashur, chirgh

Meri mitti mein jo jugnu hain wohi kafi hain
Nah tere chand ki khwahish hai nah manzoor chiragh

Raat kandhon peh uthaye hoye bujh jate hain
Hum hain ujrat peh bulaye gaye mazdoor, chiragh

Tergi wale meri zid ko nahi jante hain
Mere shajray mein likha jaye ga ghayoor chiragh

Ab mere baad mere ghar mein paray hote hain
Atar, loban , agar battiyan, kafoor, chiragh

Shakal-o-soorat se nazar aatay thay maghroor chiragh
Hum shab-e-gham ke sataye hote bay noor chiragh