Shair Kabhi Nahi Marta
Woh shohrat ki chamkili nagin
bazo se bandh kar chalta hai
Khalwat ki mehrabon mein us ke
ashk hama waqt roshan rehtay hain
Woh nesti ke burjon ka aqrab hai
Jis ki hasti ka lalkaar kam zarf dareechay
khu usi ki gawahi ban kar day dete hain
Us ka qamat kabhi qous nahi banta
Tafelay sooraj ke ruku ke intezaar mein khud dhal jate hain
Magar us shams ka qiyam jari rehta hai
Madahon ke jhund ho ya munafiqon ke
ghool Us ka dushala kabhi mela nahi hota
Rawayaten us ki nazam se janam leti hain
Istiaray usay sajda karte hain
Shair kabhi maghror nahi hota
Lakho dilon ka fakhar hota hai
Shair auraton aur darakhton par
yaksan meharban hota hai
Shair farishta nahi hota
Shair apni siyahi se roshni ko janam deta hai
Shair kabhi nahi marta
Mout us ke lafzon par hamesha be asar rehti hai
نظم
شاعر کبھی نہیں مرتا
وہ شہرت کی چمکیلی
ناگن بازو سے باندھ کر چلتا ہے
خلوت کی محرابوں میں اُس کے
اشک ہمہ وقت روشن رہتے ہیں
وہ نیستی کے برجوں کا عقرب ہے
جس کی ہستی کا للکارکم ظرف دریچے
خو اُسی کی گواہی بن کردے دیتے ہیں
اُس کا قامت کبھی قوس نہیں بنتا
طفیلئے سورج کے رکوع کے انتظار میں خود ڈھل جاتے ہیں
مگر اُس شمس کا قیام جاری رہتا ہے
مداحوں کے جھنڈ ہوں یا منافقوں کے غول
اُس کا دوشالہ کبھی میلا نہیں ہوتا
روایتیں اُس کی نظم سے جنم لیتی ہیں
استعارے اُسے سجدہ کرتے ہیں
شاعر کبھی مغرور نہیں ہوتا
لاکھو دلوں کا فخر ہوتا ہے
شاعر عورتوں اور درختوں پر یکساں مہرباں ہوتا ہے
شاعر فرشتہ نہیں ہوتا
شاعر اپنی سیاہی سے روشنی کو جنم دیتا ہے
شاعر کبھی نہیں مرتا
موت اُس کے لفظوں پر ہمیشہ بے اثر رہتی ہے
