Rafaqaton Mein Ajab Imtihaan Dena Pare
Kaseef hathon mein resham ke thaan dena pare

Phir aik aur ghalat fehmi mange dil mein jagah
Jagah bhi dil ke kahin darmiyan dena pare

Jo sach thay aise thay karway keh sehna mushkil tha
So mujh ko jhoot peh mabni bayan dena pare

Tum aao shoq se aao faraz-e-daar talak
Par itni dair nah rukna keh jan dena pare

Yeh tha usool ghanimat ke mal ka so hamein
Shikast hote hi teer-o-kaman dena pare

Aur aik aankh ke konay se ashk phislay thay
Khizan ke hath mein jab phool daan dena pare

Hamare zarf se waqif tha iss liye usay zakhm
Hamare zabt ke shayan-e-shan dena pare

Fiza ke habas peh kuch iss liye hai dhyan mera
Keh apne dil ki ghutan par nah dhyan dena pare

Rafaqaton mein ajab imtihaan dena pare
Kaseef hathon mein resham ke thaan dena pare

غزل
رفاقتوں میں عجب امتحان دینا پڑے
کثیف ہاتھوں میں ریشم کے تھان دینا پڑے

پھر ایک اور غلط فہمی مانگے دل میں جگہ
جگہ بھی دل کے کہیں درمیان دینا پڑے

جو سچ تھے ایسے تھے کڑوے کہ سہنا مشکل تھا
سو مجھ کو جھوٹ پہ مبنی بیان دینا پڑے

تم آو، شوق سے آو، فرازِ دار تلک
پر اِتنی دیر نہ رکنا کہ جان دینا پڑے

یہ تھا اُصول غنیمت کے مال کا ، سو ہمیں
شکست ہوتے ہی تیر و کمان دینا پڑے

اور ایک آنکھ کے کونے سے اشک پھسلے تھے
خزاں کے ہاتھ میں جب پھول دان دینا پڑے

ہمارے ظرف سے واقف تھا، اِس لیے اُسے زخم
ہمارے ضبط کے شایانِ شان دینا پڑے

فضا کے حبس پہ کچھ اِس لیے ہے دھیان مرا
کہ اپنے دل کی گھٹن پر نہ دھیان دینا پڑے

رفاقتوں میں عجب امتحان دینا پڑے
کثیف ہاتھوں میں ریشم کے تھان دینا پڑے

Poet: Komal Joya