شاعر:ناصر کاظمی
نظم
او میرے مصروف خدا
اپنی دنیا دیکھ ذرا

اتنی خلقت کے ہوتے
شہروں میں ہے سناٹا

جھونپڑی والوں کی تقدیر
بجھا بجھا سا ایک دیا

خاک اڑاتے ہیں دن رات
میلوں پھیل گئے صحرا

زاغ و زغن کی چیخوں سے
سونا جنگل گونج اٹھا

سورج سر پہ آ پہنچا
گرمی ہے یا روز جزا

پیاسی دھرتی جلتی ہے
سوکھ گئے بہتے دریا

فصلیں جل کر راکھ ہوئیں
نگری نگری کال پڑا
Nazam
O Mere Masroof Khuda
Apni duniya dekh zara

Itni khilqat ke hote
Shahron mein hai sannata

Jhonpadi walon ki taqdeer
Bujha bujha sa ek diya

Khaak udate hain din raat
Milon phail gay sahra

Zagh o zaghan ki chikhon se
Sona jangal gunj utha

Suraj sar pe aa pahuncha
Garmi hai ya roz-e-jaza

Pyasi dharti jalti hai
Sukh gae bahte dariya

Faslen jal kar rakh huin
Nagri nagri kal pada
Share this with your friends