Tumhare Liye Aakhri Nazam
Tumhare liye yeh meri aakhari nazam hai

Tum ne such kar diye wo sabhi khawab
Mein jin wehshat se ratoon ko soti na thi

Mere hum asar sar sabz kheeton, paharon,
Buland aabsharon ke khushiyon bharay geet
Gaatay rahe

Falsafay, waqt, dharti, khulay aasmanon, sitaron,
Khaalon, zamanon ke halaat per nazmein
Lekhte rahe

Aur yahaan mein!
Usi aik manzar ki khud sakhta si aziyat
Mein gholti rahi jis mein tum ek pari ka badan chho rahe thay

Mujhe ek sada se such ko parakhne mein sadiyan lagen
Khush gomani ki phaili hoi sarhadon se niklne mein sadiyan lagen

Waqt ki bekaran wasaton mein kisi raygaan khawab ki nao
khetay howay nazam likhna bara hi khathan hai

Mere hath shal ho gay hain
Tumhare liye aakhri nazam phir se adhori rahe gi

تمہارے لیے آخری نظم
تمہارے لیے یہ میری آخری نظم ہے

تم نے سچ کر دیے وہ سبھی خواب
میں جن کی وحشت سے راتوں کو سوتی نہ تھی

میرے ہم اثر سر سبز کھیتوں، پہاڑوں
بلند آبشاروں کے خوشیوں بھرے گیت
گاتے رہے

فلسفے، وقت، دھرتی، کھلےآسمانوں، ستاروں،
خلاؤں, زمانوں کے حالات پر نظمیں لکھتے رہے

اور یہاں میں!
اُسی ایک منظر کی خود ساختہ سی اذیت
میں گھلتی رہی جس میں تم اک پری کا بدن چھو رہے تھے

مجھے اک سادہ سے سچ کو پرکھنے میں صدیاں لگیں
خوش گمانی کی پھیلی ہوئی سرحدوں سے نکلنے میں
صدیاں لگیں

وقت کی بیکراں وسعتوں میں کسی رائگاں خواب کی ناؤ
کھیتے ہوئے نظم لکھنا بڑا ہی کٹھن ہے

میرے ہاتھ شل ہو گئے ہیں
تمہارے لیے آخری نظم پھر سے ادھوری رہے گی

Share this with your friends